புது .இளங்கோ

Wednesday 24 April 2013

என் கவிதை தொகுப்பு
மழையின் நிறம் பச்சை
வெளியீட்டு விழா
நாள் 31.3.13

No comments:

Post a Comment

நிகழ்வுப் பூச்சாண்டிகளை எதிர்த்து.........

(மொழிபெயர்ப்பு)

உண்மையில்

எனக்கு இன்பம் வேண்டும்

ஆனால் இன்னொருவனின்

துன்பத்தில் பூத்த இன்ப மலர்களை

நான் முகர விரும்பவில்லை.

மற்றவரின் துயரத் தோட்டத்தில்

விளைந்த நறுங்கனிகளை

நான் உண்ண விரும்பவில்லை

இன்னொருவரை வறுமையில் ஆழ்த்திவிட்டு

நான் செல்வச் சேற்றில்

புரள மாட்டேன்.

என்னுடைய உடைகளுக்காக

இன்னொருவரை நிர்வாணமாக்க மாட்டேன்.

இறைவனே !

உன் மாபெரும்

விருந்து மண்டபத்தில்

எல்லோருக்கும் இலை போடப்பட்டுள்ளது.

ஆனால்....

சில முரடர்களே

எல்லாவற்றையும் விழுங்கித்

தாமும் துன்புற்று,

உலகத்தையும் துயரக் கடலில்

தள்ளுகிறார்கள்..!

ஏ பார் ஆப்பிள்

தனியார் பள்ளிகளில் ஏழைக் குழந்தைகளுக்கு

25% இட ஒதுக்கீடு

ஏ பார் ஆப்பிள்

என்று பாடம் கேட்ட

பள்ளிக் குழந்தை

வீட்டுக்கு வந்தது

அப்பா அப்பா

ஆப்பிள் வேண்டும்

அம்மா அம்மா

ஆப்பிள் வேண்டும் என்றது

நான்கு நாளாய்

நச்சரித்த குழந்தையை

தாங்காத தந்தை

கூட்டிப்போனார் கடைவீதிக்கு

அழகழகாய் ஆப்பிள்கள்

அடுக்கி வைத்திருந்த

பழக்கடைப் பக்கம்

பார்த்துச் சொன்னார்

சிவப்பாய் உருண்டையாய்

வனப்பாய் வாசமாய்

அதோ பார்

அதுதான் ஆப்பிள்

கடையில் இருந்த ஆப்பிளை

கையில் வாங்கித் தருமாறு

கத்தத் துவங்கிய குழந்தையிடம்

சத்தம்போட்டார் தந்தை

ச்சீ ச்சீ இந்தப்பழம் புளிக்கும்

பள்ளிக்கூட வாசலில்

இலந்தப்பழம் விக்கும் அதுவே

இனிக்கும்

வா வா என்று

இழுத்துப்போனார்...!